I samarbeid med Norsk Bremuseum har vi etablert eit tilbod om gratis* kontorplassar i Fjærland.

Kontorfelleskapet er eit tilbod til deg som ynskjer ein stad å jobbe eller studere utanfor heimen eller hytta di. Plasseringa er i det store møterommet på feltstasjonen til Norsk Bremuseum. Her finn du to arbeidsstasjonar med tilrettelagde PC-skjermar. Tilbodet er gratis for fjærlendingar og kun 100 kr per dag for andre.

Tilbodet er drifta av Liv og Lyst i Fjærland. Vi set pris på innspel og tilbakemeldingar.

Utstyr og fasilitetar

Arbeidsstasjonane har:

• 40” skjermar med dokking og tilkopling til dei fleste PCar.
• Heilt nye, justerbare kontorstolar.
• Hev/senk-funksjon på ein pult.
• Tastatur og mus (ein kan òg ha med eige).
• Rein pult-regel.
• Du har også tilgang til:
• Konferanseskjerm.
• Internett: tilgang til bremuseet sitt gjestenett.
• Toalett: eige toalett i kontorbygget.
• Kafe: tilgang til kafeen på Bremuseet (obs! museet er stengt om vinteren)

Pris og betaling

*Gratis for deg som bur fast i Fjærland (gjeld også studentar og elevar).
100 kr per dag for deg som bur her av og til.
Betaling via vipps til Fjærland Bygdalag #114473. Merk betalinga med «kontorfellesskap».

Tinging

Reserver plass via sms til: 976 49 724 (Else) eller 971 98 370 (Eirik)
Dersom begge plassane er reservert, får du tilbod om ein plass utan skjerm.

Venleg helsing Liv og Lyst i Fjærland